Руските власти во анектираниот Крим донесоа радикална одлука целосно да ја запрат продажбата на гориво на граѓаните и приватните компании. Одлуката доаѓа во услови на сериозен недостиг на енергија и катастрофална туристичка сезона, додека украинските напади со беспилотни летала продолжуваат систематски да ја уништуваат нафтената и транспортната инфраструктура на Русија, објавува Радио Слободна Европа/Радио Либерти.
Сергеј Аксјонов, лидерот на Крим, полуостров анектиран од Москва во 2014 година, во јавно обраќање истакна – „готово е, нема повеќе гориво на Крим“. Поточно, тој објави дека почнувајќи од 21 јуни, на бензинските пумпи во Крим ќе им биде дозволено да ги снабдуваат само државните служби.
„Горивото ќе се испорачува само до државните агенции одговорни за одржување на основните услуги и обезбедување на безбедноста“, рече Аксјонов во кратка видео порака на Телеграм, без да прецизира колку долго ќе останат на сила ограничувањата.
ИЗДВОЕНИ
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
„Изговори не прифаќам“ им порача Мицкоски на маркетите – намалете ги цените или ќе реагира Владата
