Поранешниот играч од средниот ред на Реал (М), Клод Макелеле, одигра важна улога во еден од најдобрите трансфери на клубот во последната деценија. Макелеле неодамна откри дека токму тој разговарал со Антонио Рудигер и му помогнал да донесе одлука да дојде во Мадрид. Според него, тој го убедил германскиот стопер дека Реал (М) е најдобрата опција за него за тоа каде да ја продолжи кариерата.
Германскиот репрезентативец се пресели во шпанската престолнина летото 2022 година. Реал (М) го доведе од Челзи како слободен играч, додека претходно играше и за Рома. За лондонскиот клуб, Рудигер одигра над 200 натпревари во сите натпреварувања и освои бројни трофеи, вклучувајќи ги Лигата на шампионите, Лига Европа, ФА Купот, Суперкупот на УЕФА и Светското клупско првенство.
Откако пристигна во Реал (М), 32-годишниот играч додаде уште неколку големи титули во својата колекција – еднаш освојувајќи ја Лигата на шампионите и Ла Лига, како и Светското клупско првенство, Купот на кралот, Суперкупот на Шпанија и два Суперкупа на УЕФА.
„Погледнете го сега во Реал (М). Првата работа што ја направи кога доби шанса да замине во Мадрид беше да дојде кај мене и да ми каже: „Што мислиш?“. Му реков, бегај, ова е твоја шанса“. Макелеле додаде дека Рудигер имал понуди од други големи европски клубови, но го советувал да го избере Реал (М).
“Имаше понуди од Баерн, ПСЖ… но јас му реков: “Дали сакате да освојувате титули? Веќе освоивте некои, имате се, но дали навистина сакате да станете играч на тоа ниво? Потоа одете таму, дружете се со големи играчи и ќе разберете што значи тоа. Среќен сум поради него”, изјави поранешниот играч од средниот ред.
Макелеле помина три сезони во Реал (М), играјќи 145 официјални натпревари, што му даде време да разбере колку клубот е важен во светот на фудбалот. Како Рудигер и тој го носеше дресот на Челзи и Реал (М), но во текот на кариерата настапуваше и за Нант, Марсеј, Селта Виго и ПСЖ каде ја заврши професионалната кариера.
Денес Рудигер важи за еден од најдоминантните дефанзивци во светот. Неговиот трансфер во Реал (М) се покажа како полн погодок, а оваа сезона ќе се обиде да му помогне на клубот да ги одбрани титулите во Ла Лига и Лигата на шампионите.
