Крос се восхитува на атомскиот фудбал

Нема дилема дека сезонава ќе бидеме сведоци на жестока битка за титулата европски шампион, бидејќи покрај актуелниот победник во Лигата на шампионите, тимот на ПСЖ, тука се и Барселона, Арсенал, Манчестер Сити, Реал (М), Баерн (М), Ливерпул…

Навистина, постојат тимови кои моментално „летаат по теренот“, а легендарниот германски фудбалер, Тони Крос, беше особено воодушевен од својот поранешен клуб, кој пред две недели го демолираше својот ривал во првенството.

Баерн (М) го победи РБ Лајпциг со 6:1, а Крос е убеден дека тимот на Винсент Компани е „брутален“ во моментов.

Во подкаст со својот брат Феликс, тој го анализираше натпреварот на Баерн и рече дека „го исклучил телевизорот по 30 минути бидејќи повеќе не можел да го гледам“.

„Можеше да биде 10:0 на полувреме, брутално е. Секако, играа брилијантно, но и Лајпциг играше брилијантно. Тоа може да се случи. Но, ако го погледнете Лајпциг во последните години, мора да се запрашате: Каде сакаме да бидеме тогаш? Или воопшто имаме амбиција да бидеме меѓу првите три во Бундеслигата. Тогаш тоа не треба да се случи ниту против Баерн“, рече Крос.

Тони Крос е легенда на светскиот фудбал и човек кој се сметаше за еден од најдобрите играчи од средниот ред на своето време. Тој имаше многу успеси со Реал (М) и Баерн (М) и освои десетици трофеи.

Германецот освои 34 трофеи за време на својата богата кариера, вклучувајќи клупски и меѓународни успеси, од кои најголеми се пет титули во Лигата на шампионите и Светското првенство во 2014 година со Германија.

Исто така има 22 трофеи со Реал (М), а многумина веруваат дека дури и денес мадридскиот клуб не може да најде соодветна замена за него.