Токму со почетокот на есента, денес на планината Копаоник во Србија паднаа првите снегулки, најавувајќи го она што нè очекува за неколку месеци – вистинска зимска идила.
Според српскиот Хидрометеоролошки завод, во 15 часот на Копаоник е измерена температура од само еден степен над нулата, проследена со умерени врнежи од снег.
View this post on Instagram
До околу 19:00 часот, температурата се спуштила на нула. Сообраќајот на сите патишта што водат кон Копаоник се одвива побавно поради снегот.
View this post on Instagram
Летната сезона на Копаоник заврши на 13 септември, а планинскиот центар сега постепено се подготвува за претстојната зимска сезона. Според прелиминарните планови, традиционалното отворање на скијачката сезона 2026/2027 се очекува да се одржи или од 3 до 6 декември или од 10 до 13 декември 2026 година.
Првите снегулки за оваа сезона денес паднаа и на планината Голија. Според жителите на селата на Голија, иако се навикнати на долги зими, снегот во септември сепак претставува изненадување.
