Конечно на повидок спас за Дунав: По месеци агонија, дождот што цела Европа го чекаше пристигна

Германанската покраина Баварија беше погодена од силна бура со дожд и силен ветер во среда навечер, соборувајќи дрвја и затворајќи два автопати.

Портпаролот на полицијата изјави дека дрво паднало на автопат во округот Розенхајм и го блокирало патот, предизвикувајќи мали сообраќајни застои, објавува германскиот портал Меркур.

Сличен инцидент се случил во округот Вајлхајм-Шонгау, оддалечен околу 70 километри, каде што интервенирале пожарникарите.

До доцна навечер биле регистрирани вкупно 25 инциденти поврзани со временските услови, но нема пријавени повредени.

Метеоролозите предвидоа локални врнежи од дожд од околу 30 литри на квадратен метар во рок од еден час, како и силни налети на ветер до 100 километри на час.

Дождот што ја погоди јужна Германија би можел да ги донесе првите добри вести за Дунав, чие ниво на вода се намали на загрижувачки нивоа низ цела Европа поради месеците суша. Метеоролозите и хидролозите внимателно ја следат ситуацијата, бидејќи токму врнежите од дожд во горните делови на реката би можеле да придонесат за постепено закрепнување на еден од најважните водни патишта во Европа.