Кими Антонели стана вториот најмлад победник во Формула 1: 19-годишникот се расплака од возбуда/ВИДЕО

Тинејџерот од Мерцедес, Кими Антонели, победи на Големата награда на Кина.

Ова е втората трка во календарот на Формула 1 за оваа година.

Сензационалниот 19-годишен Италијанец имаше совршен викенд во кој стана најмладиот возач во историјата на Формула 1 кој ја освоил пол-позицијата, а потоа водел одлична трка за да ја однесе првата победа во својата кариера.

Со речиси истрошени гуми и минимално прилепување, тој се лизна низ последната кривина и застана покрај механичарите кои го чекаа.

– Ми исполнивте еден од соништата – му рече Антонели на својот тим.

Се качи на автомобилот и ги крена двете раце во воздух, потоа истрча кон механичарите и им скокна во раце. Не можеше да ги задржи солзите во својот победнички говор.

– Искрено, без зборови сум, речиси плачам. Благодарам на тимот што ми помогна да го остварам овој сон. Навистина сакав да ја вратам Италија на врвот и денес го направивме тоа. Иако имав „срцев удар“ поради рамната површина, го направивме тоа. Не беше лесен почеток, премногу ја затворив внатрешноста и оставив премногу простор за Ферарито. Но, успеавме да ја завршиме трката – рече тој, но не можеше да ги сопре солзите.

Емоциите беа премногу за младиот возач. Сепак, тој се собра за друг одговор.

– Само сме на почетокот, мора да продолжиме да притискаме. Џорџ е неверојатен возач, многу силен во сите аспекти, па ќе треба многу за да го победиме. Но, со нетрпение го очекувам остатокот од сезоната. Секогаш се фокусирам на една трка одеднаш, па на крајот од годината ќе видиме каде ќе завршиме – додаде тој, пофалувајќи го својот соиграч.

An emotional day for Kimi! 🥹#F1 #ChineseGP pic.twitter.com/PnhvRgTxbv

— Formula 1 (@F1) March 15, 2026