„Кавадаречки дол“ ќе прерасне во уредена и зелена урбана целина наменета за рекреација, прошетка и пријатен престој, како значаен чекор кон поодржлив и почист град. Активностите се во завршна фаза.
Ова е констатирано по извршениот увид од страна на градоначалникот на Општина Кавадарци, Митко Јанчев, заедно со претседателот на Совет на Општина Кавадарци, Стојанчо Рамов и претставници на служби од локалната самоуправа.
Активностите се во рамки на проектот „Справување со загадување“, а на оваа локација се предвидува озеленување на површина од 15.000 квадратни метри.
–Со реализацијата на овој проект, просторот ќе добие нов, современ и еколошки изглед, кој ќе придонесе за подобрување на квалитетот на животната средина и здравјето на граѓаните – нагласи Јанчев.












