Роден на 18 септември 1976 година во Рио де Жанеиро, Луис Назарио да Лима Роналдо израснал играјќи фудбал на улица. Неговиот неверојатен талент брзо го забележаа скаутите, а веќе на 16 години стана член на Крузеиро каде на 47 натпревари постигна 44 гола.
Европа не чекаше долго, холандскиот гигант ПСВ Ајндховен го донесе во 1994 година, а во две сезони беше незапирлив, постигна 54 гола на 57 натпревари. Тогаш светот за прв пат виде што значи да се биде „Ил Феномено“.
Благодарение на совршената форма Роналдо се пресели во Барселона во 1996 година и за само една сезона стана апсолутна суперѕвезда. Постигна 47 гола на 49 натпревари, а легендарниот соло-пробив против Компостела и неверојатната доминација го направија најмладиот добитник на „Златна топка“ во историјата, со само 21 година.
Но, каталонскиот гигант не успеа да го задржи, калчолигашот Интер плати светски рекорд и го донесе во Серија А. Пристигнувањето во Интер беше и врв и почеток на агонијата. Веќе во првата сезона, тој постигна 34 гола на 47 натпревари, го освои Купот на УЕФА и стана симбол на клубот.
За жал потоа дојдоа повредите. Во 1999 година тој сериозно го повреди коленото, но она што се случи во 2000 година беше ноќна мора. Во неговиот камбек меч, само неколку минути по влегувањето на теренот, целосно му пукна тетивата. Видеата на Роналдо како вреска од болка го обиколија светот. Многумина велеа дека е крајот, но, Ил Феномено имаше други планови.
По двегодишната рехабилитација Роналдо отиде на Светското првенство во 2002 година и го шокираше светот, осум гола, вклучително и два во финалето против Германија, кои му ја донесоа светската титула. Неговата позната фризура од тој турнир и неговата насмевка додека го крева трофејот станаа легендарни.
Таа година ја освои и својата втора „Златна топка“, крунисајќи го епскиот кам-бек.
По Светското првенство, Роналдо се пресели во Реал (М) и им се приклучи на „Галактикос“. Иако повредите не го напуштија целосно, тој беше клучен играч во освојувањето на Ла Лига и ги постигна некои од најубавите голови во историјата на клубот, вклучувајќи го и легендарниот хет-трик на „Олд Трафорд“.
По Реал играше за Милан, но проблемите со килограмите и повредите го забавија. Бразиле се пензионираше во 2011 година по кратка магија во Коринтијанс, велејќи: „Сакам да играм, но моето тело повеќе не може.“
Денес тој е успешен бизнисмен, сопственик на Реал Ваљадолид и инвеститор во Крузеиро, но за фудбалските фанови тој секогаш ќе биде Ил Феномено – човекот кој ја редефинира уметноста на напаѓачот. Фудбалскиот свет никогаш нема да го заборави Роналдо!
ИЗДВОЕНИ
Коцевски: Истрагата за пожарот во Кочани ќе биде брза и ефикасна, но не избрзана
Што се договорија Трамп и Путин?
Силно одекнува тишината на плоштадот во Скопје: Граѓански собир за трагедијата во Кочани, илјадници граѓани палат свеќи во спомен на жртвите/ФОТОГАЛЕРИЈА
Кој падна на испит на „Заедничкиот час“?
