Во претстојната учебна 2026/27 година ќе имаме најмлаку околу 3.000 првачиња помалку, изјавио денеска министерската за образование Весна Јаневска. На прес-конференцијата на која беа соопштени резултатите од полагањето на државната матура таа рече дека е загрижувачка состојба со намалувањето на бројот на учениците во основното образование.
-Во овој момент бројката е 4.900 првачиња помалку од лани. Но, ќе се дозапишуваат и во овој период. Но, бројката ќе стигне најмногу до 3.000. Значи, сигурно ќе имаме 3.000 првачиња помалку од лани – предупреди Јаневска.
Таа информира дека просечен успех на кој што е постигнат на полагањето на државната матура е 3,66.
-Со ваков успех сме многу задоволни. Тој е на нивно на минатогодишниот просек кој изнесуваше 3,69 проценти и подобар од прекланскиот кој беше 3,26. Познато е, годинава матурата се полагаше по нов модел со кој сите ученици ги направивме рамноправни при полагањето со тоа што одговараа на прашањата кои се однесуваа на материјалот кој што го изучувале во претходните години. Подобрувањето се должи како на целиот систем така и на односот н аучениците и на тестаторите – нагласи Јаневска. (Б.Ѓ.)
ИЗДВОЕНИ
Работодавачите го гледаат само профитот, а работниците паѓаат во несвест од жештините
Ќе донесе ли европската енергетска криза повисоки сметки за струја?
Гостиварци две недели без вода – кој ќе ја плати сметката?!
Тирана ги затвори границите за Валон Бела и Бекир Халими, Скопје без официјална нота и без детали
