Шпанија на спектакуларен начин ја прослави светската титула освоена по победата над Аргентина (1-0) во финалето на Мундијалот, а еден детаљ од парадата во Мадрид стана вистински хит на социјалните мрежи.

Додека автобусот со новите светски шампиони минуваше низ преполните улици, еден навивач им подаде транспарент со натпис: „Настан на годината – Гави против Паредес“. Првата ѕвезда на репрезентацијата, Ламин Јамал, го зеде транспарентот и го покажа кон камерите, што предизвика воодушевување кај навивачите.

Пораката се однесуваше на хаотичните сцени по финалето, кога аргентинскиот репрезентативец Леандро Паредес влезе во физичка пресметка со шпанските фудбалери. Во инцидентот, тој го оттурна и собори Гави, а поради своето однесување се соочува со можна строга казна од ФИФА.

Инцидентот по финалниот свиреж сè уште е предмет на дисциплинска истрага, а снимките од пресметката и понатаму се меѓу најкоментираните моменти од завршницата на Светското првенство.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ