Пет лица од Скопје и Куманово се лишени од слобода во полициска акција во Галичник, откако при претрес на шаторите во кои престојувале биле пронајдени повеќе видови материја и таблети за кои постои сомнение дека станува збор за наркотични средства.
Акцијата била спроведена синоќа, од 19:20 до 20:45 часот, на местото викано „Стопанче“ во село Галичник. Полициски службеници од ОВР Гостивар и Полициското одделение Маврово ги привеле А.Ј. (32), М.М. (38), К.С. (45) и В.В. (44), сите од Скопје, како и Р.Т. (38) од Куманово.
При претресите во шаторите, полицијата пронашла и одзела повеќе пакувања со марихуана, бела прашкаста и грутчеста материја, халуциногени печурки и таблети.
Петмината се задржани во Полициската станица Гостивар за понатамошна постапка.
Од МВР информираат дека по целосното документирање на случајот ќе следува соодветна пријава. (П.А.)
ИЗДВОЕНИ
Топло дома, но по која цена? Голема разлика меѓу парното, дрвата, инвертерот и пелетите
Дванаесетгодишниот Јован Кутаноски веќе урива рекорди во триатлон и пливање: Очекувајте да го испливам Охридскиот маратон пред да наполнам 18 години
Проф. д-р Марко КИТЕВСКИ: Песната ја чува татковината, татковината ја чува песната
Преспа – природна слика вредна милион зборови: Со езерото се врати и животот: екот на тивката питомина
