Израелската војска денес објави дека го убила командантот на Јужниот фронт на Хезболах, Хаџ Јусеф Исмаил Хашем, кој бил задолжен за воените активности во јужен Либан.
Војската на платформата X соопшти дека Хашем е убиен во израелски поморски напад во Бејрут синоќа.
Хашем е највисоко рангираниот командант на Хезболах убиен од Израел откако судирите меѓу двете страни ескалираа по почетокот на војната со Иран.
Тој го презеде Јужниот фронт од Али Караки во септември 2024 година, откако Караки беше убиен во израелски напад заедно со лидерот на Хезболах, Хасан Насралах.
Израелската војска соопшти дека Хашем бил „високо рангиран командант со над 40 години искуство“ и една од главните личности на Хезболах, и дека ги предводел единиците Насар, Азиз и Бадр, кои се борат против израелските трупи во јужен Либан и оттаму испукуваат ракети во Израел.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
