Британскиот таблоид „Сан“ пишува дека во 2019 година, поранешната сопруга на Томас Маркл, татко на Меган Маркл, разговарала со него за врски со малолетници.
Томас Маркл, таткото на војвотката од Сасекс, беше уапсен вчера во Флорида под обвинение за поседување материјал за сексуална злоупотреба на деца.
Непосредно пред неговото апсење, беа објавени детали од неговото минато, вклучувајќи ги и тврдењата што ги изнесе неговата прва сопруга, кои, според британските медиуми, биле упатени до лондонската полиција пред неколку години.
Особено интересни се тврдењата дека Томас Маркл (82), за време на разговор со неговата поранешна сопруга, наводно зборувал за патувања на Филипините и Тајланд, тврдејќи дека девојчиња на возраст од само 12 години имаат законско право на сексуални односи таму.
Ова се тврдењата што ги изнесе неговата прва сопруга, Рослин Лавлејс, во писмо до полицијата во 2019 година. Томас, кој беше уапсен денес во Флорида и изнесен од дом за стари лица во инвалидска количка, ги негираше обвинувањата.
„Го испрашував Томас“
Рослин Лавлејс, со која Томас Маркл беше во брак од 1965 до 1975 година и со која има ќерка, Саманта, и син, Томас Џуниор, наводно испратила писмо до лондонската Метрополитен полиција во 2019 година.
Во документот од седум страници, таа опиша разговор што го имала со својот поранешен сопруг, во кој тврди дека директно го прашала за обвинувањата што ја засегаат.
„Го испрашував Томас – тој ги негираше обвинувањата за сексуална злоупотреба на деца, но рече дека отишол на Филипините и Тајланд затоа што 12-годишниците биле законски прифатливи таму“, напиша Рослин, според британскиот таблоид The Sun.
Таа го испратила писмото до Центарот за проценка на целни закани (FTAC) на Скотланд Јард, кој ги проценува ризиците за британското кралско семејство, политичарите и други истакнати јавни личности. Метрополитенската полиција немала овластување да истражува обвинувања поврзани со настани во странство, но го проследила писмото до Меган Маркл и нејзиниот сопруг, принцот Хари.
Рослин Лавлејс починала во 2024 година
На Филипините, возраста за согласност за интимни односи била 12 години во 2019 година, но плаќањето за интимни односи со лице под 18 години било нелегално. Во 2022 година, Филипините ја зголемиле старосната граница за согласност за интимни односи од 12 на 16 години.
