Дипломатскиот спор меѓу Иран и Доналд Трамп ескалираше уште повеќе откако иранската амбасада во Таџикистан објави контроверзно видео со вештачка интелигенција во кое Исус Христос го фрла американскиот претседател во пеколот.
Видеото е создадено како одговор на фотографија што Трамп претходно ја сподели на социјалната мрежа Truth Social, на која беше прикажан како месијанска фигура што лекува луѓе. Во иранската верзија, сцената е обратна – се појавува Исус и му кажува на Трамп дека „дојде времето за пресметка“, по што го удира и го испраќа во огнена јама.
Видеото брзо стана вирално.
Трамп претходно се обиде да одговори на критиките, тврдејќи дека фотографијата нема религиозно значење, но подоцна ја отстрани.
„Не беше приказ на Исус. Јас бев како доктор кој им помага на луѓето, нешто како работник на Црвениот крст“, им рече Трамп на новинарите, додавајќи дека „им помага на луѓето и ги прави подобри“.
Сепак, објавата предизвика силни реакции, особено кај верниците, од кои некои го обвинија Трамп за богохулство, па дури и го нарекоа „Антихрист“. Некои се повикаа и на Библијата, тврдејќи дека таквата презентација потсетува на описите од Откровението.
Конфликтот се прошири и на односите со Ватикан. Трамп претходно го критикуваше папата Лав, тврдејќи дека „не ја врши добро работата“, што исто така предизвика реакција од Техеран.
Иранскиот претседател Масуд Пезешкијан го бранеше папата, велејќи дека ги осудува изјавите на Трамп и дека „навредувањето на Исус, пророкот на мирот и братството, не е прифатливо за ниту еден слободен човек“.
Папата Лав, исто така, се огласи, но избегна директна конфронтација со Трамп. Тој нагласи дека не сака контроверзии, но предупреди дека пораката на Евангелието не смее да се злоупотребува, нагласувајќи дека ќе продолжи да се залага за мир, дијалог и меѓународна соработка.
Најновиот инцидент дополнително ги продлабочува политичките и религиозните тензии, додека реториката на конфликтот сè повеќе се префрла на социјалните медиуми.
— Iran Embassy in Tajikistan (@IRANinTJ) April 14, 2026
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
