Иран ги обвини САД за убиство на пет цивили во Ормускиот теснец, тврдејќи дека нивните сили нападнале патнички бродови, а не бродови што припаѓаат на Корпусот на Исламската револуционерна гарда (ИРГЦ), како што тврдат Американците.
Ова тврдење е во спротивност со изјавата на американскиот адмирал Бред Купер, кој рече дека силите на Централната команда (ЦЕНТКОМ) потопиле шест брода на ИРГЦ кои се обиделе да ја спречат американската мисија за придружба на заглавените бродови од Ормускиот теснец.
Операцијата на САД, наречена „Проект слобода“, го потресе кревкото примирје постигнато меѓу Иран и САД на 8 април и ги обнови стравувањата од можна ескалација.
Иранската државна телевизија IRIB цитираше неименуван ирански воен командант кој изјави дека Техеран започнал истрага по американските тврдења за напади врз бродови на ИРГК.
Се вели дека иако ниту еден од бродовите на ИРГК не бил погоден, истрагата открила дека американските сили вчера нападнале два мали брода што превезувале луѓе додека се движеле од Хасаб на оманскиот брег кон иранскиот брег, објави „Ал Џезира“.
Командантот рече дека бродовите биле уништени во нападите, а петмина цивилни патници биле убиени.
Тој додаде дека САД мора да бидат одговорни за својот злостор. Американската војска не даде веднаш коментар, пренесе „Бета“.
ИЗДВОЕНИ
Фотелјите на маса – ВМРО-ДПМНЕ, Вреди и ЗНАМ ги почнаа разговорите: Со ехото „заминете ако сте уморни“, се отвораат картите – има ли асови во ракав?
ЗИКА ВИРУСОТ ПРИСТИГНА ВО МАКЕДОНИЈА – го донел турист кој летувал на Малдивите
Нема кој да меси леб, да лепи плочки, да варосува, да поправа чешми…
Скопје добива самостоен центар за Итна помош: Ќе се скрати ли чекањето од 40 минути?
