Продажните цени на производителите на индустриски производи, вкупно на домашниот и на странскиот пазар, во август 2026 година се зголемиле за 0,4 отсто во однос на претходниот месец, покажуваат податоците на Државниот завод за статистика.
На месечно ниво, цените во секторот рударство и вадење камен се зголемиле за 3,8 отсто, а во преработувачката индустрија за 0,3 отсто. Во секторот снабдување со електрична енергија, гас, пареа и климатизација е регистрирано намалување од 0,7 отсто, додека цените во снабдувањето со вода, управувањето со отпад и дејностите за санација на околината останале непроменети.
На годишно ниво, односно во споредба со август 2025 година, продажните цени на индустриските производители се зголемиле за 7,1 отсто.
Најголем годишен раст е забележан во рударството и вадењето камен, од 21,7 отсто. Во преработувачката индустрија, цените се повисоки за 6,3 отсто, во снабдувањето со електрична енергија, гас, пареа и климатизација за 10,5 отсто, а во снабдувањето со вода, управувањето со отпад и дејностите за санација на околината за 7,4 отсто.
ИЗДВОЕНИ
ДЗР: Жените се мнозинство меѓу вработените во јавниот сектор, но не и на позициите на кои се носат одлуките
Овците умираат, субвенциите за кравите доцнат, пиперките и грозјето скапуваат
Сиљановска-Давкова на 22. Европски самит во Салцбург: Проширувањето е тест за стратешкиот капацитет на Европската Унија
ГОЛЕМА АКЦИЈА НА МВР И АНБ ВО СКОПЈЕ: Приведени повеќе лица поради сомнение за тероризам
