Мандатарот за премиер на Романија, Зигфрид Мурешан, денеска не успеа да добие глас на доверба од парламентот, пренесува Ројтерс. Романската новинска агенција „Аџерпрес“ (Agerpres) објави дека од вкупно 464 пратеници и сенатори, на седницата присуствувале 321, а биле регистрирани 197 важечки гласови.
За владата гласале 182 пратеници, додека 15 гласале против; за одобрување е потребна поддршка од најмалку 233 пратеници.
Мурешан – економист и потпретседател на десничарската Европска народна партија (ЕПП) – ја црпи својата главна поддршка од три партии: Националната либерална партија (ПНЛ), Унијата „Спасете ја Романија“ (УСР) и УДМР, мала партија што го претставува етничкото унгарско малцинство.
Социјалдемократската партија (ПСД) и националистичката опозициска партија Алијанса за унија на Романците (АУР) изјавија дека нема да го поддржат неговиот кабинет.
Пратениците на АУР не присуствуваа на гласањето, додека пратениците на ПСД се воздржаа од гласање иако беа присутни во салата.
Мурешан предложи програма за владеење што ја опишува како реформистичка и усогласена со неговата десничарска Национална либерална партија (ПНЛ), пренесува агенцијата АП.
ИЗДВОЕНИ
Македонија под 60 отсто задолженост, Грција останува „должна како Грчка“
Рутинска посета или сериозна операција за нова динамика со ЕУ?!
КОЛУМНА, проф. д-р КАТЕРИНА ТОДОРОСКА: За историското бугарско-грчко „пријателство“
Јаболката скапуваат на нивите, откуп 4 денари, а берачите од Албанија бараат 2.500 денари дневно
