Бразилскиот Институт за форензичка полиција идентификуваше 19-годишен младич кој во неделата почина откако го нападна лавица во зоолошка градина.
Тој, според извештаите, преминал шестметарски ѕид, ги пробил сигурносните огради, искористил стебло како потпора и влегол во просторот на лавицата, пренесе бразилски „Глобо“.
Видео-снимките од посетителите покажуваат како младичот се качива на страничната структура на кафезот, а потоа влегува во просторот користејќи стебло за потпора, по што е нападнат.
Полицијата и ИПЦ веднаш излегле на местото на трагичниот инцидент.
Според извештаите на локалните медиуми, младичот имал ментални нарушувања.
Зоолошката градина е затворена по инцидентот, а посетите се прекинати без најава кога ќе бидат дозволени.
Локалните власти соопштија дека започнале истрага за околностите на несреќата, изразија сочувство до семејството и нагласија дека паркот ги почитува техничките и сигурносните стандарди.
