Либанската милитантна проиранска група Хезболах денеска објави дека извршила напади со беспилотни летала врз израелската воена база Хакири во Тел Авив и врз воената база Амос на северот на Израел.
Ројтерс наведува дека немало предупредувачки сирени пред нападот на базата во Тел Авив и дека досега никој во Израел не зборувал за нападот.
Во базата Хакири, која е и воен и владин центар, се сместени штабовите на неколку воени ентитети, вклучувајќи го и воениот кабинет, и се наоѓа во прометна област на градот, веднаш до голем трговски центар и железничка станица. пренесува Танјуг.
Хезболах тврди дека втората цел на нападот е воената база Амос во близина на северниот израелски град Афула, транспортен и воено-технолошки центар на израелските безбедносни сили (ИДФ).
