До 18 часот денеска во земјава се евидентирани 18 пожари на отворен простор, од кои два сè уште се активни, четири се ставени под контрола, а 12 се изгаснати, информира Центарот за управување со кризи (ЦУК).
Активни се пожарите во општина Македонски Брод, кај селото Грешница, на локалитетот Стојанова Населба, каде што горат ниска вегетација, деградирана шума и грмушки, како и во општина Струмица, меѓу селата Ново и Старо Коњарево, каде што гори стрниште.
Под контрола се пожарите на депонијата во Делчево, кај селото Падалишта во Гостивар, на дивата депонија во селото Долна Белица во Струга, како и пожарот кај селото Блато, во атарот на Врбјани, општина Кривогаштани.
Изгаснати се 12 пожари на територијата на општините Босилово, Валандово, Гевгелија, Гостивар, Желино, Брвеница, Неготино, Сарај, Штип, Чешиново-Облешево и два во Гази Баба.
ИЗДВОЕНИ
УЧИЛИШТАТА ЌЕ ГО ДОЧЕКААТ СЕПТЕМВРИ СО 3.000 ПРВАЧИЊА ПОМАЛКУ: Белата чума урива историски рекорди во Македонија, ќе заѕвони ли ѕвончето за тревога?!
Дел од онколошката терапија пристигна, другиот за два дена
Граѓаните чекаат поевтина струја и повеќе часови евтина тарифа
Вината се бара на погрешно место – откупувачите пријавуваат субвенции, а не земјоделците
