Облакодерот во кој се наоѓа седиштето на саудискиот суверен фонд во Ријад денеска бил оштетен во напад, соопштија очевидци за светските агенции.
Инцидентот се случил неколку часа откако коалицијата предводена од Саудиска Арабија соопшти дека пресретнала ракета истрелана од Хутите во Јемен, а остатоци од неа паднале врз главниот град.
„Фасадата е оштетена на неколку ката, а стаклата се искршени“, изјавил извор кој побарал да остане анонимен. Уште двајца извори ги потврдиле оштетувањата на облакодерот.
Станува збор за највисоката зграда во финансискиот кварт на Ријад, објект на 80 катa. Друг облакодер во квартот, во сопственост на нафтениот гигант „Арамко“, беше оштетен на почетокот на месецов во напад на Хутите, поддржани од Иран.
The Saudi Public Investment Fund tower was damaged in an airstrike targeting the financial district in Riyadh. https://t.co/RIO8nSZP2D
— World Source News (@Worldsource24) November 19, 2026












