Гори дел од Тоскана – пожарот се шири без контрола: Евакуирани 3.000 луѓе/ВИДЕО

Италијанските пожарникари се борат со голем шумски пожар во Тоскана кој гори со денови, разгорен од силни ветрови, што доведе до превентивна евакуација на околу 3.000 луѓе. Пожарот гори од вторник и се прошири на повеќе од 800 хектари на планината Фаети, која се протега низ покраините Лука и Пиза, изјави градоначалникот на соседниот град Сан Џулијано Терме.

Пожарот веројатно е предизвикан од палење на исечени стебла на маслинки што излегло од контрола, изјави Матео Чечели за јавниот радиодифузен сервис РАИ.

Ветрите го разгоруваа пожарот преку ноќ, што доведе до превентивни евакуации, изјави регионалниот претседател на Тоскана, Еуџенио Џани.

Три противпожарни авиони се распоредени за да им помогнат на пожарникарите на терен, соопшти националната противпожарна служба на својата X мрежа.

„Пожарот е сè уште многу активен“, објасни заменик-градоначалникот на Лука, Фабио Барсанти, во видео на Фејсбук.

„Се вложуваат сите напори за да се ограничи обемот на пожарот колку што е можно повеќе, но не можеме да се опуштиме или да правиме какви било предвидувања бидејќи сме на милост и немилост на ветерот“, додаде тој.