Одлична вест за скопјани. Со огромно задоволство ве информирам дека штотуку остварив телефонски разговор со министерот за транспорт, Александар Николоски, кој ме извести дека успешно завршила тендерската постапка и јавното наддавање за набавка на 100 нови еколошки автобуси за градот Скопје, напиша градоначалникот Орце Ѓорѓиевски на својот Фејсбук профил.
Тој упати благодарност до претседателот на Владата, Христијан Мицкоски, како и до министерот Александар Николоски за, како што вели, силната и како никогаш досега запаметена поддршка што ја даваат на Скопје и на скопјани.
-Ова е историски чекор кон сериозна обнова на возната флота на ЈСП „Скопје“ и почеток на нова ера во јавниот градски превоз – помодерен, почист, побезбеден и подостоинствен за скопјани. Избрана е компанијата „Икарус“, во соработка со ЕВН Македонија. Од денес започнува десетдневниот рок за жалби, по што следуваат потпишувањето на договорот и почетокот на процесот за испорака на автобусите во Скопје, пишува Ѓорѓиевски.
Додава дека за само неколку месеци докажале дека кога постојат волја, посветеност и вистинска поддршка – нема невозможни работи.
-Кога се сака, сѐ се може! Скопје го правиме заедно. По скопски, напиша Ѓорѓиевски на Фејсбук
ИЗДВОЕНИ
ПО НЕВРЕМЕТО ПОЧНА ПОСТАПКАТА ЗА ОБЕСШТЕТУВАЊЕ: Се бројат штетите, ќе се санира ли пустошот со пет проценти?
Партизанската печатница во Битуше го преживеа пожарот, но не и негрижата
Словенија дава 2.000 евра за крава, Албанија го зголемува извозот, а Македонија станува зависна од увоз
Никој не знае што јадеме и што пиеме, Гостивар ги активира контролите и пријавите
