Голем пожар беснее на југот на Турција: Стотици граѓани се присилени на евакуација/видео

Во турската покраина Анталија, на медитеранскиот брег на југот на земјата, пожарникарите се борат со голем шумски пожар кој принуди стотици луѓе на евакуација, а најмалку две лица се повредени, Огнот избувна синоќа во Акса, округ на подрачјето на градот Анталија, а силен ветер го прошири кон соседен Кепез, пишува AP.

Две лица се хоспитализирани со повреди на нозете, а шест биле примени вчера на местот на пожарот поради вдишување чад. Евакуирани се жителите од најмалку 254 куќи во окрузите на Акса и Кепез. Привремено е затворен и автопатот кој ги поврзува Анталија и Испрарта, град оддалечен околу 130 километри на север.

🚨 BREAKING: An out-of-control forest fire has swept into Antalya, Türkiye. Dense smoke is affecting residents, while Jandarma and emergency crews evacuate Yeşilkaraman as locals battle the rapidly spreading blaze. pic.twitter.com/pgV9WS9WtI

— HINT News (@9415st) September 8, 2026

Градските власти на Анталија потврдија дека повеќе од 100 кучиња се преместени на безбедно место од засолниште во Аксу бидејќи им се заканува пламен и густ чад. Во регионот, повеќе од 2.000 домаќинства останаа без електрична енергија, објави агенцијата „Анадолу“.

Најмалку пет противпожарни авиони, 10 хеликоптери, 110 противпожарни возила и 600 припадници на службите се вклучени во гаснењето на пожарот. Во исто време, противпожарните бригади се борат со пожари во блиските провинции Адани и Мерсин.