Српскиот тенисер Новак Ѓоковиќ, објасни на прес-конференцијата во Индијан Велс зошто сè уште игра професионален тенис. Ѓоковиќ ќе наполни 39 години во мај, но сè уште е мотивиран да се бори со конкуренцијата која е речиси 20 години помлада.
Целите се јасни, а во Мелбурн покажа дека сè уште може да игра на врвно ниво.
„Многу зборував за тоа во последните години. Целите секогаш се тука – сакате титули, сакате гренд – слем титули. Бев блиску во Австралија, беше неверојатен почеток на годината. Си докажав себеси и на другите дека сè уште можам да се натпреварувам на највисоко ниво и ги победив тие момци (Синер и Алкарас). Мојата логика е – зошто да не продолжам сè додека имам тој оган, квалитет и мотивација? Мојот распоред е понејасен сега, фокусиран е на слем титулите, јас бирам каде ќе играм и поради емоциите и брендот. Сè уште сум на врвот, сè уште ја имам таа острина“, рече Ѓоковиќ.
Тој истакнува дека се чувствува добро.
„Се чувствувам најдобро што може да се почувствува човек. Тоа е секојдневно управување со телото. Основата што ја изградив во предсезоната е многу добра, можеби најдобрата во последните 3-4 години. Сезоната е долга, секогаш се појавува нешто со кое мора да се справите, но за среќа, во моментов нема ништо големо што би ме спречило да се натпреварувам. Се чувствувам добро.“
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
