ЕУ единствена: Русија нема да може да избере кој ќе разговара во име на Европа на преговорите за Украина

Русија нема да може да избира кој ќе ја претставува Европа во потенцијалните преговори со Москва за Украина и Европската Унија ќе биде обединета, изјавија министрите за надворешни работи на Европската Унија на состанокот во Кипар во четврток.

Министрите за надворешни работи се состанаа неформално на Кипар за да разговараат за нивната стратегија, бидејќи Киев бара поголем ангажман од Европа за да помогне во завршувањето на повеќе од четиригодишната војна, а САД се фокусираат на конфликтот со Иран.

Порано овој месец, рускиот претседател Владимир Путин посочи дека поранешниот германски канцелар Герхард Шредер, кој го опиша рускиот лидер како личен пријател, би можел да ја претставува Европа во евентуалните преговори.

Европските влади го отфрлија тој предлог, а шефицата на европската дипломатија, Каја Калас, го повтори тој став во четврток. „Верувам дека ова е стапица во која Русија сака да влеземе, да разговараме кој разговара со нив, а тие веќе избираат кој е погоден, а кој не“, рече Калас.