Еруптираше вулкан во Индонезија, три лица загинаа: Планинари ја игнорирале забраната за искачување/ВИДЕО

Најмалку тројца планинари загинаа по ерупцијата на вулканот Дуконо во Индонезија, додека спасувачките служби успеаја да ги пронајдат и евакуираат преостанатите членови на група од 20 лица кои се нашле на планината и покрај забраната за искачување

Тројца планинари загинаа по ерупцијата на вулканот Дуконо на индонезискиот остров Халмахера, соопштија локалните власти по завршувањето на обемната операција за спасување.

Спасувачите ги пронајдоа сите преживеани од групата од 20 планинари кои исчезнаа по ерупцијата. Повеќето од нив беа евакуирани од планината, додека две лица останаа да помогнат во пронаоѓањето на телата на загинатите.

Според властите, во групата имало девет Сингапурци. Официјалните лица тврдат дека планинарите го направиле искачувањето и покрај забраната за искачување што е во сила од претходната вулканска активност.

Вулканот Дуконо еруптираше во 7:41 часот по локално време во петок, или во 22:41 часот по средноевропско време во четврток. Индонезиската агенција за вулканологија соопшти дека ерупцијата исфрлила столб од пепел во висина од околу 10 километри.

Снимките од областа покажале густ облак од вулканска пепел како се издига над кратерот и ги покрива околните падини.

Дуконо е еден од најактивните вулкани во Индонезија и е популарна дестинација за планинари и туристи. Властите повторно ги предупредија жителите и посетителите да се држат подалеку од областа околу кратерот по ерупцијата. Индонезија се наоѓа на Тихоокеанскиот „Огнен прстен“, област склона кон земјотреси и вулкански ерупции.

Mimin gamau bikin caption panjang-panjang ah.

Ini situasi Erupsi Gunung Dukono dari jarak dekat. Erupsi terbesar dalam sejarah Gunung Dukono terjadi tadi pagi sekitar pukul 07:40 WIT dengan ketinggian Kolom Abu mencapai 10.000 meter.

Akibatnya 3 pendaki Meninggal Dunia, 2 WN… pic.twitter.com/XxoNEarJqA

— Info Gempa Dunia (@infogempadunia) May 8, 2026