СВЕТ

Експлозија во Рим, се урна трикатница – спасителите бараат за можни жртви под урнатините

Од страна на

23/03/2025 15:01

310

Силна експлозија уништи утринава околу 9 часа трикатница на улицата Виа Вителија во Рим. Сведоци за ЛаПресе изјавија дека непосредно пред уривањето се чула силна експлозија како „бомба“. Се почувствувал и силен мирис на плин.

На терен се карабинерите, пожарникарите и полицијата. Не е јасно дали има луѓе под урнатините, но спасителите трагаат по можни жртви.

src=hash&ref_src=twsrc%5Etfw”>#vigilidelfuoco hanno estratto dalle macerie un uomo in vita. Prosegue la ricerca per escludere la presenza di altre persone coinvolte [#23marzo 10:00] pic.twitter.com/mCLS0gvzQF

— Vigili del Fuoco (@vigilidelfuoco) March 23, 2025

Непосредно под експлозијата конструкцијата делумно се урнала. Во тек е увид за утврдување што се случило и што ја предизвикало експлозијата. Урнатините ги уништиле и автомобилите паркирани пред зградата.

Педесетгодишен маж со шкотско потекло е превезен во болница со повреди на долните екстремитети и изгореници на 70 отсто од телото.

„Слушнав голема викотница, секој ден поминувам по таа улица кога го превезувам синот на училиште. Тие ѕидови како да се направени до хартија“, изјави Маурицио кој живее недалеку од местото на експлозијата.

Сведоците велат дека се урнале два столба, по што се урнал надворешниот ѕид. Оштетена е и блиската зграда.

„Колиере“ пишува дека карабинерите проверуваат дали во урнатата зграда имало апартман кој бил изнајмуван на туристи и дал повредениот Шкотланѓанец бил гостин таму.