Државата, општините и бизнисот мора заеднички да ги активираат развојните потенцијали. Поголемата соработка меѓу локалната самоуправа и приватниот сектор, привлекувањето инвестиции и развојот на туризмот беа главни теми на средбата меѓу претседателот на Стопанската комора на Северна Македонија, Бранко Азески, и градоначалникот на Општина Чучер Сандево, Зоран Бајовски.
На состанокот беше истакната потребата од создавање подобри услови за развој на малите и микро бизниси, како и за поттикнување нови инвестиции. Според Азески, за целосно искористување на локалните потенцијали е потребно партнерство меѓу државата, општините и приватниот сектор, особено во делот на развојот на претприемништвото и туризмот.
Градоначалникот Бајовски посочи дека целта е Чучер Сандево да се позиционира како атрактивна туристичка и инвестициска дестинација, користејќи ги природните и културно-историските ресурси со кои располага општината.
Како значајни предности беа посочени планинската местоположба, шумските предели, можностите за развој на рекреативен и спортски туризам, како и фактот дека општината нема значајни индустриски загадувачи.
На средбата, на Азески му беше доделена благодарница за поддршка на развојот на локални и рурални бизниси.
ИЗДВОЕНИ
Ќе донесе ли европската енергетска криза повисоки сметки за струја?
Гостиварци две недели без вода – кој ќе ја плати сметката?!
Тирана ги затвори границите за Валон Бела и Бекир Халими, Скопје без официјална нота и без детали
Затворени се операционите сали во болницата во Гостивар, потврди директорот Бајрами
