„Другарството е богатство“ – инклузивен настан во Градскиот парк

На 10 мај, кај Школката во Градскиот парк, ќе се одржи инклузивен настан во организација на Здружението „Аутизам ААМК“, посветен на подигнувањето на свеста за лицата со атипичен развој и нивно прифаќање во општеството.

Настанот, кој се организира по седми пат од 2018 година, ќе трае од 11:00 до 14:30 часот и ќе понуди спортски, забавни, едукативни, музички и ликовни активности, како и сценски настапи. Организаторите упатуваат отворена покана до сите граѓани.

Целта е преку игра и дружење да се поттикнат инклузија, разбирање и рушење на предрасудите, со порака дека децата со атипичен развој сакаат и заслужуваат да бидат дел од секое дружење и заедничка игра.