Авионот на украинскиот претседател Володимир Зеленски за малку ќе беше погоден од дрон при полетувањето од Молдавија, изјави денеска, 9 септември, норвешкиот премиер Јонас Гар Сторе, истакнувајќи дека инцидентот ја одразува „реалноста со која се соочува Зеленски“.
„Неговиот авион за малку ќе беше погоден од дрон додека се подготвуваше за полетување од Молдавија. Тоа е реалноста во која тој живее“, рече Сторе.
Тој додаде дека ситуацијата во Украина е „многу драматична“ и „остава длабок впечаток“.
„Го прашав како ја поминал ноќта, а тој рече дека не било добро, бидејќи бил на телефон и добивал информации за тоа каде паднале ракети“, изјави Сторе за норвешкиот јавен сервис НРК.
Зеленски пристигна во Осло од Молдавија синоќа за да присуствува на погребот на норвешкиот крал Харалд.
Норвешкиот премиер Јонас Гар Сторе утрово го пречека украинскиот претседател во својот кабинет.
Сторе изјави дека Зеленски се сретнал со него, со министерот за финансии Јенс Столтенберг и со министерот за надворешни работи Еспен Барт Ајде веднаш по пристигнувањето во Осло во вторникот вечерта, пренесува Танјуг.
ИЗДВОЕНИ
Скап септември – есенската сметка стигнува до 100 илјади денари
ПИСА 2025 ги потврди слабостите во образовниот систем: Тројца од четворица македонски ученици под основното ниво на знаење
„ЛОТАРИЈА“ ГИ ВРАТИ И ГРУБИ И БАЈРАМИ ПРЕКУ БЛАЦЕ
Работниците чекаат повисоки плати, може ли и кај нас како во Србија Владата и Синдикатот да се најдат на половина пат
