Дрејмонд Грин е добро познато име во светот на кошарката, дел поради тоа што е одличен центар, дел затоа што важи за еден од највалканите играчи на денешницата. Со сигурност ќе влезе во историјата на НБА како еден од најдобрите дефанзивни играчи на сите времиња, но и како еден од оние што немаат влакна на јазикот, поради што беше казнуван.
Четирикратниот шампион е втор на листата на кошаркари со најмногу суспензии во историјата на НБА. Тој има 23, шест помалку од Рашид Волас.
Колку и да е познат по својата посветеност во одбраната, познат е и по тоа што често прави потези на паркетот кои подоцна се опишани како „валкани“. Во текот на својата кариера, тој постојано ги запираше противниците со тупаници, удирајќи ги во ципите и по главата со рацете, лактите и со стапалата или газејќи по нив, судирајќи се со нив и запирајќи ги со грубо влечење на нивниот дрес. Еден таков напади беше виден пред неколку дена.
На вториот натпревар од полуфиналето на Западната конференција помеѓу неговиот Голден стејт и Минесота, неговиот лакот повторно профункционира. Овој пат заврши на вратот и лицето на Наз Рид, заработувајќи техничка грешка, петта на деветтиот плејоф-натпревар од сезоната. По натпреварот, тој ја отфрли помислата дека е валкан играч.
-
- Не сум бесен црнец. Јас сум многу успешен, образован црнец со прекрасно семејство. И сум одличен во кошарката и во она што го правам. Оваа агенда со која се обидуваат да ме прикажат како бесен црнец е бесмислена. Доста ми е од тоа. Смешно е – порача Грин по натпреварот.
Draymond Green every game for no reason pic.twitter.com/tCQ3yHFoFS
— bwf (@BoredroomWyatt) May 9, 2025
