Драма во Њујорк за време на прославата на Денот на независноста: Огномет предизвика пожар на Бруклинскиот мост/ВИДЕО

За време на традиционалниот огномет по повод Денот на независноста на Соединетите Американски Држави, настана пожар на познатиот Бруклински мост во Њујорк. Голем пламен и густ облак чад се издигнаа над мостот, пред противпожарните екипи брзо да интервенираат и целосно да го локализираат огнот.

Според информациите на новинската агенција „Асошиејтед прес“, во инцидентот нема повредени лица. Од њујоршката противпожарна служба соопштија дека во интервенцијата биле ангажирани две противпожарни возила, а пожарникарите успеале да го стават пожарот под контрола околу 22 часот по локално време.

Од безбедносни причини, Бруклинскиот мост привремено бил затворен за сообраќај додека траела интервенцијата и проверките на терен.

🇺🇸 Americans celebrated Independence Day so hotly that even the Brooklyn Bridge caught fire

The structure burst into flames in several places where fireworks were being launched to mark the 250th anniversary of US independence.

Built in the 19th century, the Brooklyn Bridge is… pic.twitter.com/mb7mVhp68I

— NEXTA (@nexta_tv) July 5, 2026

Надлежните истакнуваат дека сите безбедносни протоколи биле доследно спроведени, поради што инцидентот не резултирал со човечки жртви или посериозни последици.

„Ваквите пожари не се целосно неочекувани при големи пиротехнички настани и токму затоа публиката секогаш се држи на строго безбедно растојание за време на огнометот“, изјави портпаролот на противпожарната служба во Њујорк.

Надлежните служби ќе ги утврдуваат причините за избувнувањето на пожарот, но според првичните информации, огнот најверојатно бил поврзан со пиротехничките средства употребени за време на свечената прослава.