Драма на аеродромот во Мајами: Се судрија два авиона „Боинг“/ВИДЕО

На Меѓународниот аеродром во Мајами дојде до судир меѓу товарен и патнички авион. Официјални лица соопштија дека во саботата вечерта, на Меѓународниот аеродром во Мајами, се судриле товарен и патнички авион.

Според извештаите, на аеродромот се судриле „Боинг 767“ на компанијата UPS и „Боинг 737“ на „Копа ерлајнс“,  соопшти Противпожарната и спасувачка служба на округот Мајами-Дејд, пренесува CBS.

UPS cargo plane collides with commercial airliner at Miami airport https://t.co/HpWAF2F2tf https://t.co/IWMWRhK4JN

— New York Post (@nypost) November 15, 2026

„Околу 21:15 часот, еден авион што слетувал и еден што полетувал дојдоа во контакт на раскрсницата на две рулирачки патеки. Нема пријавени повредени, а летовите се пренасочуваат кон други патеки, така што моментално нема влијание врз работењето на аеродромот“, изјави Грег Чин, директор за комуникации на Меѓународниот аеродром во Мајами, за CBS News Miami.

Чин напомена дека припадници на Противпожарната и спасувачка служба на Мајами-Дејд на самото место им укажале помош на две лица со полесни повреди, а ниту едно од нив немало потреба од лекарска интервенција.

Летот 358 на UPS требало да полета од Мајами за Богота, Колумбија, додека летот 427 на „Копа ерлајнс“ пристигнувал од Панама Сити, Панама. Седиштето на „Копа ерлајнс“ е во Панама Сити.

Footage filmed by a passenger onboard the Copa Airlines Boeing 737 involved in the collision tonight at Miami International Airport in Florida, with clear damage seen to the nose of the other aircraft involved, a UPS Airlines Boeing 767. pic.twitter.com/WEref0XDOn

— OSINTdefender (@sentdefender) November 15, 2026

Судирот се случи во момент кога аеродромот во Мајами сè уште се соочуваше со доцнења и откажувања на летови, по ретката, национална забрана за полетувања и слетувања, воведена во петокот од страна на Федералната управа за авијација (FAA).

Министерот за транспорт, Шон Дафи, во петокот вечерта предупреди дека враќањето на воздушниот сообраќај во нормала ќе оди бавно, бидејќи авиокомпаниите работат на прераспределба на авионите и екипажите.

Администраторот на FAA, Брајан Бедфорд, во саботата изјави дека распоредот на летовите низ САД би требало да се нормализира до крајот на денот во недела.

Федералните власти посочија дека нарушувањето било поврзано со проблеми со застарена технологија за контрола на летањето – конкретно со мрежни прекинувачи и рутери кои биле преоптоварени со податоци – што предизвикало неправилности во радарските и комуникациските системи.