Рускиот претседател Владимир Путин, неговиот кинески колега Шји Џинпинг и американскиот претседател Доналд Трамп ќе одржат трилатерална средба во кинескиот град Шенжен на 19 ноември.
Средбата ќе се одржи на маргините на самитот на Азиско-пацифичката економска соработка (АПЕК), објави руската новинска агенција РИА, повикувајќи се на портпарол на Кремљ.
„Постигнат е договор за одржување трилатерална средба меѓу претседателот Путин, претседателот Шји и претседателот Трамп на 19 ноември. Оваа средба ќе се одржи во Шенжен, на маргините на самитот на АПЕК“, изјави портпарол на Кремљ.
Како што пренесе британската новинска агенција Ројтерс, Трамп претходно оваа недела навести дека е можна ваква средба.
Трамп планира да разговара за војната во Иран со Шји и Путин, но ќе ја избегне темата за Украина, изјави денеска неименуван висок американски функционер, додавајќи дека не се очекува постигнување никакви договори.
Според американската новинска агенција АП, станува збор за средба без преседан меѓу лидерите на главните светски нуклеарни сили, сепак, аналитичарите сметаат дека шансите за постигнување значителен напредок се мали и ја нагласуваат симболичната природа на оваа средба.
ИЗДВОЕНИ
Додека градоначалникот на Крива Паланка чека прогласување кризна состојба, приказната за македонскиот град окупиран од 1.000 крави стана и вест за „Еуроњуз“/видео
Мицкоски: Од длабок минус дојдовме до точка нула – од сега очекувам само раст и поинтензивен развој
Димитриеска-Кочоска: Определбата да нема промена на даночните стапки наметна внимателно планирање на Буџетот за 2027 година – наш приоритет е јавните финансии да бидат стабилни
Македонија повторно поразена, но по 844 минути постигна гол!
