Досието на синот на Синди Крафорд: Застрашувачката реалност што го доведе до смртта

Пресли Гербер, синот на Синди Крофорд и Ранде Гербер, почина на 27-годишна возраст, а според наводите на окружниот медицински вештак од Лос Анџелес, кои ги објави TMZ, Пресли починал во установа за рехабилитација на 20 септември.

Семејството побара приватност.

Пресли претходно јавно зборуваше за своите проблеми со менталното здравје и зависноста од лекови кои се издаваат на рецепт.

Во објава на Инстаграм од декември 2025 година, која во меѓувреме е избришана, тој напиша дека „искреноста му е најдобра политика“.

„Да ви ја појаснам малку ситуацијата — вистината ќе ве ослободи (се надевам)“, напиша тогаш тој.

„Бензодиазепините ми варираа горе-долу, во зависност од тоа што се случуваше во мојот живот“, изјави тој.

Зборуваше и за нападите на паника и лековите што ги користел.

„Земам ‘Ксанакс’ кога нападите на паника се навистина, навистина силни“, наведе тој, додавајќи дека наутро зема и „малку“ „Валиум“.

„Не знам дали е тоа малку или многу, кој веќе, за*бано, знае“, напиша тој.

„Докторите зборуваат различни работи, така што сè тоа е малку застрашувачки, но се надевам дека преку моето истражување, нивното истражување и Бога, ќе успееме да сфатиме сè ова“, продолжи тој.

Пресли тогаш објасни и дека посебно се плашел од зависноста од одредени лекови и од можноста за сериозни последици од нивното нагло прекинување.

Освен за зависноста од лекови кои се издаваат на рецепт, тој зборуваше и за тоа дека се оддалечил од Холивуд за да го заштити своето ментално здравје.

„За жал, во последно време доживеав многу загуби во различни форми. Тоа не е изговор, но е причината поради која сега сум овде каде што сум“, рече тој.

„Пораснал во Холивуд и околу мене има многу луѓе кои ги сакам до смрт, но во моментов се обидувам да не бидам во нивно друштво“, призна тој.

Неговата сестра Каја Гербер во август за списанието „Vogue“ зборуваше за неговата „децениска борба со зависноста од дрога“.

„Кога нешто такво ќе се случи во семејството, тоа на некој начин ги израмнува сите работи“, рече Каја.

Пресли во јануари 2019 година беше уапсен поради возење под дејство на алкохол во Беверли Хилс, откако не го мина тестот на лице место. Тогаш 19-годишниот Гербер беше осуден на три години условна казна и му беше наложено да заврши програма за возачи уапсени за возење под дејство на алкохол.

Во објавата од декември 2025 година, тој откри и дека користел „четири видови лекови“ — за крвен притисок, опиоиди, бензодиазепини и антидепресиви.

„Се надевам дека ова ќе стигне до луѓето на различни начини“, напиша тогаш тој.

„Прво, за да не се чувствувате сами, бидејќи јас поголемиот дел од времето се чувствувам така. Имам чувство дека, ако кажам сè ова, многу луѓе барем ќе знаат дека постои уште некој кој минува низ истото. А второ, се надевам дека ќе пронајдам луѓе кои се подготвени да помогнат или познаваат некој кој може да помогне“, изјави тој.

Уште во 2023 година, за време на гостувањето во подкастот „Studio 22“, Пресли зборуваше за желбата да им помогне на луѓето кои минуваат низ слични проблеми.

„Мислам дека, било да му помогнам на едно лице или на стотина луѓе да излезат од тоа место во кое јас некогаш бев, тоа е сè што треба да направам“, рече тогаш тој.

Причината за смртта на Пресли засега не е позната.