Дончиќ на оригинален начин ги спореди кошаркарските со фудбалските ѕвезди

Сезоната во НБА е во самата завршница, веќе започна и плејофот, а тензијата расте секој ден. Во исто време, возбудата во спортскиот свет расте околу Светското првенство во фудбал, кое започнува во Северна Америка за само неколку месеци. Таа атмосфера стигна и до соблекувалните на НБА, па дури и самите играчи почнаа да зборуваат за фудбал, вклучувајќи ја и ѕвездата на Лос Анџелес Лејкерс, Лука Дончиќ, кој, како Европеец, има голема страст за најважната споредна работа во светот.

Како што треската за Светското првенство се засилува, така расте возбудата и за плејофот, а Дончиќ реши да направи паралела меѓу вештините што ги дефинираат најголемите ѕвезди на двата спорта – фудбалот и кошарката.

Иако водечките икони на фудбалот, Аргентинецот Лионел Меси и Португалецот Кристијано Роналдо, се приближуваат кон залезот на нивните славни кариери, Дончиќ ги смести покрај кошаркарските великани.

Неговиот список е вака: „Ерлинг Халанд е Кевин Дурант, Кристијано Роналдо е Леброн Џејмс, Лионел Меси е Мајкл Џордан, Килијан Мбапе е Никола Јокиќ, а Винисиус Џуниор е Стеф Кари“.

Секој пар е поврзан со единствена црта. Леброн Џејмс е најдобриот стрелец во НБА на сите времиња со неверојатна кариера, исто како што е Роналдо во фудбалот. И двајцата се стремеле кон историски пресвртници, физичка доминација и ефикасност, а Португалецот моментално се приближува до неверојатната граница од 1.000 гола со своите 965 гола.

Од друга страна, Мајкл Џордан е сопственик на шест титули во НБА и одамна е признат како најголем, и поради неговиот успех и поради неговиот впечаток на теренот, исто како што квалитетот и естетиката на Меси на теренот се сметаат за неспоредливи.

Кевин Дурант важи за еден од најдобрите шутери во историјата на НБА, исто како што е и голгетерот Ерлинг Халанд, кој изминативе години „решета“ низ Премиер лигата и Лигата на шампиони.