Доналд Трамп откри што Меланија мрази кај него, а цел свет би се сложил/ВИДЕО

Доналд Трамп откри детали за реакциите на неговата сопруга Меланија на неговото однесување за време на јавните настапи.

Како што раскажа тој, на првата дама особено ѝ пречат неговите танцови потези, како и начинот на кој ги имитира спортистите додека е на сцената.

Обраќајќи им се на присутните во Лас Вегас, американскиот претседател Доналд Трамп зборуваше за својата сопруга и нејзините реакции на неговите настапи.

Претходно, тој го пофали нејзиниот филм „Меланија: Дваесет дена до историјата“, опишувајќи го како „најдобар филм на годината“.

Сепак, кога станува збор за неговото однесување пред публиката, Меланија Трамп не го дели истиот ентузијазам. Трамп раскажа дека таа особено се нервира кога, додека зборува за трансродови спортисти, тој ги имитира кревачките на тегови за време на своите говори.

„Таа мрази кога имитирам мажи во женски спортови“, рече Трамп, пред да повтори дел од имитацијата пред публиката, придружена со неговите карактеристични гестикулации и изрази на лицето.

Тој исто така ѝ раскажа на публиката како реагирал кога сопругата му укажала на ова однесување:

„Види, можеби не е претседателски, но победив на изборите со огромна разлика, така што… не знам.“

Сепак, имитациите не се единственото нешто што ѝ пречи на Меланија. Како што истакна Трамп, таа не е љубител ниту на неговиот препознатлив танцов потег што често го изведува на јавни настани.

„Таа мрази кога танцувам“, рече претседателот, објаснувајќи дека се обидува да ѝ укаже оти публиката ужива во неговите танцови потези.

Трамп тврди дека луѓето јасно му покажуваат оти сакаат да го видат како танцува, но Меланија гледа поинаку на тоа. Нејзината порака до сопругот беше јасна:

„Драги, тоа не е претседателски.“

Според Трамп, Меланија смета дека реакциите на публиката не мора нужно да значат дека тие навистина го одобруваат неговото однесување. Како што раскажа тој, луѓето можеби се само учтиви и не сакаат да покажат што навистина мислат.

Нејзините реакции на танцувањето на Трамп и претходно го привлекувале вниманието на јавноста. Имаше неколку ситуации во кои таа изгледаше непријатно додека нејзиниот сопруг ги изведуваше своите препознатливи потези покрај неа, а сега Трамп всушност потврди дека тој впечаток не бил случаен. Трамп почна почесто да ги изведува своите необични танцови потези за време на претседателската кампања во 2020 година, а танцувањето на песната „YMCA“ од групата „Village People“ на крајот стана еден од неговите заштитни знаци на политичките митинзи.