Донација за струшките пожарникари

Уште еден хуман гест од нашите иселеници во Швајцарија денеска беше реализиран како поддршка за Територијалната противпожарна единица – Струга.

Сограѓанинот, Ќендрим Кала, кој работи во Општина Урдорф во Швајцарија и воедно е доброволен пожарникар во противпожарната единица на истата општина, донираше 41 комплет професионална заштитна опрема отпорна на пожар, покажувајќи солидарност и поддршка кон своите колеги во родниот град.

Градоначалникот на Општина Струга, Менди Ќyра, изрази искрена благодарност за оваа вредна донација, упатувајќи честитки до Ќендрим Кала и до сите млади луѓе од дијаспората кои, иако живеат и работат надвор од татковината, не го забораваат своето родно место и продолжуваат да придонесуваат за својата заедница.

На крајот, градоначалникот му посака на Ќендрим многу успех во професионалниот и личниот живот, изразувајќи уверување дека ваквите примери претставуваат инспирација за солидарност и заедништво во интерес на Струга.