Советникот за надворешна политика на израелскиот премиер Бенјамин Нетанјаху, Офир Фалк, ги негираше медиумските извештаи дека Израел и Либан ќе одржат разговори за постигнување траен прекин на огнот, велејќи дека нема да има разговори сè додека либанската група Хезболах не се разоружа.
„Разговорите се убави, но акцијата е многу поважна“, изјави Фалк за телевизијата Би-Би-Си.
Тој потсети дека Либан и Израел потпишаа договор во 2024 година според кој либанската влада мора да го разоружа Хезболах.
„Тие треба да го сторат тоа сега. Ако има волја, има и начин“, рече Фалк.
Претходно, Ројтерс, повикувајќи се на двајца неименувани израелски функционери, објави дека се очекува Израел и Либан да одржат разговори во наредните денови со цел постигнување траен прекин на огнот што би вклучувал разоружување на Хезболах.
Се наведува дека Израел ќе го предводи блискиот помошник на израелскиот премиер Бенјамин Нетанјаху, Рон Дермер, а Франција, исто така, наводно е вклучена во иницијативата.
Тројца либански функционери вчера изјавија дека на Либан му е потребно јасно ветување дека Израел ќе го почитува првото барање на либанскиот претседател Џозеф Аун, имено дека е потребен целосен прекин на огнот за да се одржат преговори.
Претходно денес, израелскиот министер за надворешни работи Гидеон Саар негираше дека се планирани разговори меѓу Израел и Либан за Хезболах, пренесува Танјуг.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
