Со падот на температурите, на северната хемисфера пристигнува календарската есен, која официјално започнува утре на 23 септември во 02.05 часот по полноќ.
Почетокот на астрономската есен се совпаѓа со есенската рамноденица – израз што значи „еднаква ноќ“.
Во тој момент, гледано од Земјата, Сонцето го преминува небесниот екватор и го продолжува своето привидно движење кон јужната хемисфера.
Сепак, денот и ноќта всушност немаат еднакво времетраење на првиот ден од есента. Ова отстапување произлегува од начинот на кој се дефинираат изгрејсонцето и зајдисонцето, како и од прекршувањето (рефракцијата) на сончевата светлина во атмосферата на Земјата.
По есенската рамноденица, северната хемисфера влегува во период на постепено скратување на деновите и продолжување на ноќите. Овој тренд продолжува сè до зимската краткодневница во декември.
Астрономската есен во 2026 година ќе трае до 21 декември, кога започнува зимата. Тој ден ќе биде најкраткиот ден и најдолгата ноќ во годината на северната хемисфера, по што времетраењето на дневната светлина постепено ќе почне да се зголемува.
Во меѓувреме, на јужната хемисфера во среда пристигнува пролетта, по што на 21 декември следи летото.
Зимското сметање на времето започнува во текот на ноќта меѓу сабота, 24 октомври, и недела, 25 октомври.
