Да бидам искрен, веќе сум пијан!

Германскиот тенисер, Александар Зверев конечно го урна проклетството и го крена својот прв трофеј од гренд слем турнирите. Тој во епското финале на Ролан Гарос, по пет сета го совлда Италијанецот Флавио Коболи (6:1, 4:6, 6:4, 6:7, 6:1).

На официјалната прес-конференција на новиот крал на Париз се отворија  менталните демони, болните сеќавања на сериозната повреда на истата оваа земја, но исто така призна дека прославата веќе започнала сериозно.

Саша, честитки за твојата прва титула од гренд слем. Се чинеше дека се мачиш на крајот од четвртиот сет. Што си кажа тогаш и како успеа да ја надминеш кризата и да го освоиш трофејот?

– Да, имав грчеви. Се мачев физички, иако не мислам дека тие грчеви беа од физичка природа. Тие беа повеќе ментални. Бев ужасно стегнат, полн со емоции, а во тој четврти сет бев и многу нестабилен. Но, парадоксално, мислам дека тие грчеви всушност ми помогнаа. „Се исплашив“ во главата. Почнав да ја пуштам раката повеќе, да удрам посилно и едноставно да дозволам сè да тече. На крајот, петтиот сет помина во моја корист. Пресреќен сум поради тоа и неверојатно е чувството што седам покрај овој прекрасен трофеј за прв пат – Зверев го отвора разговорот со медиумите.

– Минатата година во Виена повторно чувствував дека играм врвен тенис. Пред тоа, целата минатата година беше ужасна. Не играв добро, се мачев со многу физички проблеми, се мачев со сопствената игра. Едноставно не бев јас. Овој трофеј драстично ќе ми ја зголеми самодовербата. Како што рековте, сега сум светлосни години далеку од тој мрачен период. Минатата година беше една од најтешките во мојата кариера, а оваа година дефинитивно е една од најсреќните. „Сосема поинакво чувство“, истакна Германецот

Зверев е првиот германски тенисер кој освои гренд слем титула по 30 години.

– Мислам дека ова е прв пат во историјата Германец да го освои Ролан Гарос во машка конкуренција. Кај девојките, ја имавме Штефи Граф, која имаше низа титули, но за машкиот тенис во Германија, ова е историски трофеј. Првиот што го направи тоа. Да бидам сосема искрен, веќе сум малку пијан, па се повторувам повеќе од вообичаено. Едноставно сум неверојатно среќен што седам до овој трофеј – се насмевна Германецот по одговорот.

Зверев заклучи дека успеал да остане смирен за време на турнирот, иако финалето донесе многу поголем притисок од претходните натпревари.

„Не, не, не, едноставно бев многу стегнат денес. Искрено чувствувам дека ги поминав последните две недели исклучително добро, бидејќи со сите тие рани испаѓања што се случија – кога Јаник и Новак излегоа – успеав да останам смирен, успеав да ја задржам главата мирна и чувствувам дека играв навистина, навистина добар тенис. Но, денес чувствувам дека не се снајдов толку добро. Чувствувам дека на натпреварот имав многу повеќе подеми и падови. Не мислам дека нивото на игра беше многу понервозно отколку во моите претходни натпревари. Затоа грчевите ми помогнаа на некој начин. Почнав да ја замавнувам топката малку поагресивно. Сето тоа беше затоа што не можев да се фокусирам на тоа што сум стегнат. Едноставно морав да се препуштам, затоа петиот сет го одиграв најдобро, заврши Зверев.