Битка за животот на прославениот фудбалер – подложен е на итна операција

Поранешниот италијански репрезентативец Пабло Даниел Освалдо е примен на одделот за интензивна нега во болница во Буенос Аирес откако беше подложен на итна хируршка интервенција.

Поранешниот напаѓач со денови се соочувал со силни болки во градите, но побарал медицинска помош дури по наговор на својата сестра и близок пријател.

За време на операцијата, лекарите морале да му отстранат дел од белодробното ткиво, па 40-годишниот Освалдо моментално се наоѓа под постојан надзор на медицинскиот персонал.

🔴 L’ex #calciatore di #Inter, #Juventus e #Roma Pablo Daniel #Osvaldo è ricoverato in terapia intensiva in un #ospedale pubblico di Llavallol, in #Argentina, dopo un versamento pleurico. Secondo i media di Buenos Aires, l’ex attaccante, oggi anche musicista, è stato sottoposto a un intervento chirurgico e la prognosi resta riservata. Quarantenne, #Osvaldo sarebbe stato ricoverato giovedì sera dopo aver accusato per diversi giorni un forte malessere. Le sue condizioni sono ora monitorate dai medici.

📸 ANSA/MAURIZIO DEGL’INNOCENTI

— RTL 102.5 (@rtl1025) September 26, 2026

Иако е роден во аргентинскиот град Ланус, Освалдо најголемите успеси ги оствари во Италија, каде што стекна државјанство и го носеше дресот на националниот тим.

Во богатата кариера настапуваше за бројни италијански клубови, меѓу кои Аталанта, Лече, Фиорентина, Болоња и Рома, додека за време на договорот со Саутемптон престојуваше на позајмици во Интер и Јувентус.

Интернационална епизода градеше и во Еспањол и Порто, за пред крајот на играчката кариера да ја исполни желбата и да заигра за Бока Јуниорс.

Во клупскиот фудбал собра 88 првенствени голови, додека за селекцијата на Италија запиша 14 настапи и четири пати се впиша во стрелците.