Компанијата „Росњефт“ воведува ограничувања на своите бензински пумпи низ сите региони во Русија, соопшти Министерството за економски развој на Забајкалскиот крај.
Според Министерството, потрошувачите можат да купат до 30 литри гориво на бензинските пумпи во градовите, додека на локациите покрај автопатите е дозволено купување до 50 литри, пренесе информативниот портал „Медуза“.
Ограничувања во снабдувањето со бензин и дизел гориво се воведени и на пумпите на „Росњефт“ во Краснојарск.
„Росњефт“ исто така ја ограничи продажбата на бензин во Карелија, според изјавата на регионалниот лидер, Артур Парфенчиков.
„Забрането е полнење гориво во канистри“, изјави гувернерот.
Неколку рафинерии за нафта на „Росњефт“ беа цел на напади со украински беспилотни летала во текот на последните месеци.
Кон крајот на октомври беше нападната рафинеријата „Новокујбишевск“ во Самарската област, а на 31 октомври цел на напад беше рафинеријата „Башњефт-Новоил“ во Уфа. На 5 ноември беше нападната и рафинерија во Рјазанската област.
Според „Блумберг“, раководството на „Росњефт“ смета дека уште неколку месеци војна со Украина би можеле да предизвикаат долгорочна штета на деловното работење на компанијата.
ИЗДВОЕНИ
Златните прачки и монети се сигурна инвестиција за Македонците, грам чисто злато чини 125 долари
Реакција: ЗНАМ е државотворна партија и не ги менува ставовите според дневнополитичките интереси
Власта уверува дека Алта банка ќе биде спасена од стечај
Хибридно решение за правосудниот испит – теоријата може на албански, практиката само на македонски јазик!
