Аврил Лавињ стана мајка на 42 години, но кој е таткото?/ФОТО

Аврил Лавињ стана мајка. Пејачката, позната по хитот „Компликејтед“, го роди своето прво дете, девојче, и ја објави среќната вест на Инстаграм.

Таа објави серија црно-бели фотографии на кои се гледа како таа и нејзиниот партнер го држат своето новородено бебе за рака, додека на една од фотографиите нежно го држи девојчето на градите. На последната фотографија се прикажани три пара карирани патики Vans на скејтборд – два пара за возрасни и една минијатура за бебе. Пејачката не откри кој е таткото на нејзиното дете. „Нашата мала е***а принцеза пристигна“, напиша таа во описот на објавата.

Својот љубовен живот го држи подалеку од јавноста

Во мај 2024 година, пејачката се појави во подкастот Call Her Daddy, во кој отворено зборуваше за својот љубовен живот. Во таа прилика, таа изјави дека е „одлично“ во врските.

„Никогаш навистина не сум се забавувала. Отсекогаш сум била во прилично сериозни врски“, призна таа пред водителот Алекс Купер. Таа додаде дека со задоволство би се избрала себеси за партнерка. „Готвам. Навистина сакам да готвам, сакам да го уредувам домот и сè што оди со тоа. Навистина уживам во тоа“, објасни таа.

Кога ја прашале дали моментално се гледа со некого, таа само ги кренала рамената и одбила да одговори. Сепак, открила што ѝ е важно во една врска. „Најважно е да пронајдете некој со кого сте компатибилни“, рекла таа. „Знам дека сè звучи како клише, но важно е личноста да биде доверлива. Без тоа, никогаш нема да се чувствувате сигурно и стабилно во врска, само ќе продолжите да поминувате низ истите проблеми“, заклучила таа.

 

View this post on Instagram

 

A post shared by Avril Lavigne (@avrillavigne)