Министерството за финансии на Соединетите Американски Држави ќе го продолжи за уште 30 дена ослободувањето од санкции за руска нафта транспортирана по море, објави денес „Ројтерс“.
Според извор запознаен со одлуката, таа е донесена откако неколку земји побараа дополнително време за купување на овој енергетски извор.
Агенцијата забележува дека барањето за продолжување е поднесено од посиромашни и енергетски сиромашни земји кои останаа без снабдување со нафта од Персискиот Залив поради конфликтот меѓу САД и Иран и затворањето на Ормутскиот теснец.
Министерството за финансии на САД првпат го воведе ова ослободување во март за да ги ублажи нарушувањата на пазарот и зголемувањето на цените на нафтата предизвикани од конфликтите на Блискиот Исток, овозможувајќи продажба на руска нафта што беше блокирана поради санкциите.
Ројтерс наведува дека мерката не ја намали значително цената на нафтата, но им помогна на земји како Индија, која претходно беше меѓу најголемите купувачи на руска нафта.
Цените на суровата нафта „Брент“ денес пораснаа за околу 1,5 проценти на околу 111 долари за барел поради загриженоста, пренесе „Танјуг“.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
