Бројот на луѓе во Демократска Република Конго за кои се сомнева дека имаат ебола се зголеми на 1.028, изјави министерот за здравство на Конго, Самуел Роџер Камба.
Тој им изјави на новинарите дека 225 лица во Конго се потврдени како заразени со вирусот ебола, објави Ројтерс. Камба потсети дека само два дена претходно, во Конго имало 906 лица за кои се сомневало дека го имаат смртоносниот вирус.
Светската здравствена организација (СЗО) објави дека од прогласувањето на епидемијата на 15 мај, во ДР Конго се регистрирани 10 потврдени и 223 сомнителни смртни случаи од ебола, со предупредување дека вистинскиот обем на епидемијата може да биде многу поголем бидејќи вирусот циркулирал неоткриен подолго време.
Еден смртен случај и девет заразени со вирусот ебола се регистрирани во соседна Уганда. Станува збор за редок сој на вирусот за кој во моментов нема вакцина или специфична терапија.
Уганда официјално ги потврди случаите на ебола на 15 мај, а тие случаи беа поврзани со патници од Конго. Поради ова, Уганда привремено ја затвори границата со Конго за да се спречи ширењето на инфекцијата.
Светската здравствена организација официјално прогласи меѓународна здравствена вонредна состојба поради епидемијата на ебола во Конго и Уганда.
ИЗДВОЕНИ
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
