Либанското движење „Хезболах“ бара „сеопфатен прекин на огнот“ во Либан и повлекување на Израел од земјата, изјави денес лидерот на проиранското шиитско движење Наим Касем.
Тој ги повика либанските власти на социјалните мрежи да „ја прекинат шарадата“ на преговорите со Израел, по објавувањето на договорот за прекин на огнот.
Либанскиот претседател Џозеф Аун претходно денес изјави дека чека одговор на движењето на договорот, кој предвидува прекин на огнот условен со „крај“ на нападите на „Хезболах“, пред да го проследи до Соединетите Американски Држави.
„Прекинот на огнот мора да биде сеопфатен и без слобода непријателот (Израел) да убива во Либан“, рече Касем.
Израел го напаѓа јужен Либан од 2 март, каде што се верува дека е седиштето на шиитското движење „Хезболах“, кое е поддржано од Иран.
Американскиот претседател Доналд Трамп во понеделник објави договор за прекин на огнот меѓу Израел и либанското движење Хезболах. Сепак, нападите продолжија, пренесе „Бета“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
