Осум жители беа повредени во експлозија на гас во населбата Флоридсдорф во Виена, за која се сомнева дека е намерно предизвикана од 93-годишен маж кој не сакал да оди во дом за стари лица.
Осум лица се здобиле со полесни повреди, а 45-годишен маж и бремена жена за која се верува дека паднала на стомак се хоспитализирани, објавува Хојте.
Експлозијата, која се случила ноќта помеѓу недела и понеделник на улицата Карл Бенц Вег, уништила семеен дом, а пожарот се проширил на соседната куќа. Експлозијата оштетила и други блиски згради и паркирани автомобили.
Екипата на Службата за помош при катастрофи го лоцирала повредениот маж со помош на звучна опрема и камера, по што бил спасен и однесен во болница каде што е под надзор.
Државното обвинителство издаде налог за негово апсење под сомнение за намерно предизвикување опасност, а во тек е истрага за да се утврди точната причина за експлозијата.
Лице блиско до осомничениот за пожарот изјави дека тој живеел сам, но дека неговиот посинок сакал да го исфрли од куќата и да го смести во дом.
Виталниот пензионер, кој излегувал секој ден и возел сопствен автомобил, имал доживотно право на престој.
