Петнаесетгодишниот Х. О. е уапсен во Турција под сомнение дека денеска отворил оган во близина на училиштето „Инџи Узмез“ во Маниса и ранил најмалку 11 ученици, од кои двајца се во критична состојба. Наводно, снимките од безбедносните камери го прикажуваат осомничениот како оди по улиците во близина на училиштето со огнено оружје и го подготвува оружјето за пукање.
Нападот се случи утрово, кратко пред 8.00 часот, по што на местото на настанот веднаш беа испратени бројни полициски и медицински екипи.
Мотивот за нападот засега е непознат, но некои турски медиуми известуваат дека Х. О. претходниот ден бил вклучен во училиштен инцидент и се степал пред зградата поради наводен „проблем поврзан со девојка“.
Според достапните информации, меѓу него и одредени ученици имало претходни несогласувања, а полицијата истражува дали тој конфликт може да биде поврзан со денешното пукање.
Според турските медиуми, Х. О. е ученик во училиштето каде што се случило пукањето. Тој побегнал по нападот, но набрзо бил лоциран и приведен од полицијата.
Турските медиуми исто така известуваат дека полицијата ги уапсила и родителите на осомничениот, како и неговиот дедо.
🚨BREAKING:
🇹🇷 At least 4 students were reportedly injured after a gunman opened fire outside a high school in Manisa, western Turkey.
One student is said to be in critical condition.
The shooter fled after the attack, triggering a police manhunt, but was later arrested.
A…
— Mario Nawfal (@MarioNawfal) September 22, 2026
